2020 жылы TALAP орталығы «Қытайдың Қазақстандағы экономикалық стратегиясы мен сыртқы саясатын талдау» зерттеуін бастады. Зерттеудің жеке бағыты — халық арасындағы кең әлеуметтанулық сауалнама негізінде Қазақстандағы Қытайды қабылдау индексін қалыптастыру болды.
2024 жылдың қарашасында TALAP орталығы 32 айнымалыны талдау мен 4 негізгі индикаторды — Қытайды жалпы қабылдау, геосаяси күш, экономикалық күш және мәдени ықпал — есептеуді қамтитын төл әдістеме негізінде орындалған зерттеудің төртінші толқынын аяқтады.
Презентацияда мынадай тақырыптар қарастырылады:
- Қытайды қабылдаудың жаһандық трендтері: қоғамдық пікір сауалнамаларына, жұмсақ күштің халықаралық рейтингтеріне және көпфакторлы сараптамалық бағалауларға шолу.
- Орталық Азия мен Қазақстандағы Қытайды қабылдау ерекшеліктері: Gallup, Орталық Азия барометрі және басқа да көптеген дереккөздердің деректерін талдау.
- 2020 жылдан бергі Қазақстандағы қоғамдық пікір серпіні: соңғы жылдардағы негізгі өзгерістер (TALAP орталығының әдістемесі негізінде).
- Қазақстандағы халықаралық жобалар туралы қоғамдық пікір, оның ішінде қытайлық бастамалар және АЭС мердігерлеріне қатысты күтулер.
- Қазақстандағы халықаралық брендтерді қабылдау матрицасы: түрлі елдер компанияларының танымалдығы мен бағалануын зерттеу.
Зерттеу презентациясы Zoom платформасы арқылы онлайн форматта өтеді. Сондай-ақ трансляция TALAP YouTube-арнасында қолжетімді болады.